ՄԻԱՎ/ՁԻԱՀ-ի, Տուբերկուլոզի և Մալարիայի դեմ պայքարի Գլոբալ Հիմնադրամի 5-րդ Շրջանով հաստատված "Հայաստանի Հանրապետությունում տուբերկուլոզի դեմ պայքարի ազգային ծրագրի ուժեղացում" ծրագիրը սկսվել է 2007թ. հունվարի մեկին:
Դրամաշնորհի հիմնական ստացողն է ՀՀ առողջապահության նախարարությունը: Ծրագրում նշված են հետևյալ նպատակները՝
1. Բարձրացնել ՏԲ որակյալ ախտորոշման և բուժման մատչելիությունը բնակչության համար բոլոր մարզերում և Երևան քաղաքում առաջնային բուժ. օգնության ցանցի (ԱԲՕ) ծառայության ընդգրկմամբ;
2. Բարձրացնել ՏԲ ախտորոշման որակը` հզորացնելով լաբ. ցանցը;
3. Բարելավել հիվանդների կողմից բուժման սխեմաների կատարումը՝ ամբուլատոր բուժման մեջ գտնվող հիվանդներին սոցիալական աջակցության տրամադրման միջոցով;
4. Իջեցնել ՏԲ նկատմամբ խարանը օգտագործելով լրատվամիջոցներ և ՏԲ ուսուցողական արշավներ;
5. Ապահովել որակյալ ախտորոշում և ԴԿՀ` DOTS-Plus ծրագրի ներդրմամբ` քաղաքացիական և բանտային հատվածներում;
6. Ապահովել ՏԲ/ՄԻԱՎ համագործակցությունը բանտային և քաղաքացիական հատվածներում;
7. Կատարելագործել ՏԲ ծրագրի կառավարումը Առողջապահության, Արդարադատության և Պաշտպանության նախարարություններում;
8. Հզորացնել DOTS ծրագիրը բանտային հատվածում;
9. Բարելավել ՏԲ դեպքերի վարումը՝ անձնակազմի ուսուցման, ենթակառուցվածքների բարելավման և դեղամիջոցների մատակարարման միջոցով:
