ՏԲ հիվանդների սոցիալական աջակցության ծրագիր
ՏԲ կաբինետի կողմից հաշվառված հիվանդների բուժման ընդհատումները նվազեցնելու, բուժումը ուղղակիորեն հսկման տակ /DOT/ իրականացնելու, հիվանդների Տուբերկուլոզի դեմ պայքարի կաբինետներ կանոնավոր այցերը խրախուսելու նպատակով, ”Տուբերկուլոզի, Մալարիայի և ՄԻԱՎ/ՁԻԱՀ-ի դեմ պայքարի գլոբալ հիմնադրամի” ֆինանսական աջակցությամբ, Հայկական Կարմիր խաչի ընկերության կողմից կազմակերպվում է տուբերկուլոզով հիվանդների սոցիալական աջակցություն` սննդային և հիգիենիկ փաթեթների տեսքով:
Մինչև տվյալ ամսվա 5-ը ֆթիզիատորի կողմից կազմվում և բուժհաստատության տնօրենի հաստատմանն է ներկայացվում նախորդ ամսվա ընթացքում ուղղակիորեն հսկման տակ հակատուբերկուլոզային դեղորայքը կանոնավոր ընդունած /DOT/ և անհրաժեշտ հետազոտություններն անցած հիվանդների անվանացանկը: Հաստատված անվանացանկերը, տրամադրվում են տուբերկուլոզի դեմ պայքարի ծրագրի մարզային համակարգողին, որը մինչև տվյալ ամսվա 10-ը, ուղղորդող գրությամբ Տուբերկուլոզի դեմ պայքարի ազգային գրասենյակ է ներկայացնում մարզում, ըստ բուժհաստատությունների, սոցաջակցության տրամադրման ենթակա անձանց անվանացանկերը:
Հայկական Կարմիր խաչի ընկերությունը, ըստ ՀՀ ԱՆ “Տուբերկուլոզի դեմ պայքարի ազգային
գրասենյակ”-ի կողմից ներկայացված սոցաջակցության տրամադրման ենթակա անձանց թվաքանակների, կազմակերպում է պահանջվող քանակի սննդի և հիգիենիկ փաթեթների տրամադրումը:
Մարզերի ՏԱԾ համակարգողները կազմակերպում են Հայկական Կարմիր խաչի ընկերության կողմից պահեստավորած սննդի և հիգիենիկ փաթեթների տեղափոխումը մարզ և բաշխումը ըստ բուժհաստատությունների: Բուժհաստատության տնօրենը կրում է անմիջական պատասխանտվություն սննդի և հիգիենիկ փաթեթների ստացման, պահպանման և ՏԲ կաբինետների միջոցով, հիվանդներին բաշխման հարցում:
Հայկական Կարմիր խաչի ընկերությունը կազմակերպում է իրականացված ծրագրի մոնիտորինգ և արդյունքների մասին տեղեկատվությունը ներկայացնում Տուբերկուլոզի դեմ պայքարի ազգային գրասենյակ:
"ՀՀ –ում տուբերկուլոզի դեմ պայքարի ազգային ծրագրի ուժեղացում"
ծրագրի շրջանակներում նախատեսվող սննդային և հիգիենիկ փաթեթների պարունակությունը:
| Սննդային փաթեթ |
 | Անվանում | Քանակ | Չափի միավոր |
| Ձեթ 1լ | 1 | հատ |
| Բրինձ 1կգ | 2 | փաթեթ |
| Հնդկաձավար 1 կգ | 2 | փաթեթ |
| Խտացրած կաթ | 2 | հատ |
| Մակարոն 0,9 կգ | 3 | փաթեթ |
| Սիսեռ 1կգ | 2 | փաթեթ |
| Տոպրակ | 2 | հատ |
| Հիգիենիկ փաթեթ |
 | Անվանում | Քանակ | Չափի միավոր |
| Աման լվանալու հեղուկ 0,5 | 1 | հատ |
| Մաքրող փոշի 0,5 | 1 | հատ |
| Շամպուն 0,5 | 1 | հատ |
| Օճառ 0,1 | 4 | հատ |
| Ատամի խոզանակ | 1 | հատ |
| Ատամի մածուկ | 1 | հատ |
| Լվածքի փոշի | 1 | տուփ |
| Տոպրակ | 1 | հատ |
|